2013 වසරේ ස්පාඤ්ඤ යේ ග්‍රනේඩා හි පැවැත්වූ ලෝක ටෙලිමධ්‍යස්ථාන පිළිබඳ ගෝලීය සමුළුවේදී ශ්‍රී ලංකාව නියෝජනය කරමින්, හම්බන්තොට දිස්ත්‍රික්කයේ සූරියවැව නැණසලේ කළමණාකාරිණී ජී. ඒ. දීපිකා ප්‍රියදර්ශනී මහත්මිය “හොඳම ටෙලිසෙන්ටර් කළමාණාකරු“ සම්මානයෙන් පිදුම් ලැබූ වගයි.
ටෙලිමධ්‍යස්ථාන සඳහා ජාත්‍යන්තර තලයේ අනන්‍යතාවක් ලබාදීමට සහ ග්‍රාමීය ප්‍රජාවට තොරතුරු හා සන්නිවේදන තාක්ෂණ පිළිබඳව විශීෂ්ඨ සේවාවන් ලබා දීම පිළිබඳ දිරිමත් කිරීම සහ ඔවුන්ගේ විශිෂ්ඨ ක්‍රියාකාරීත්වයන් ඇගයීමේ මුඛ්‍ය පරමාර්ථය ඇතිව කලාපීය ටෙලිමධ්‍යස්ථාන ජාලයේ ද සම්බන්ධතාවයත් සමඟ ටෙලිසෙන්ටර් පදනම සහ ස්පාඤ්ඤයේ ස්පාර්ක් කමිටුව විසින් සිව්වන ගෝලීය සමුළුව සංවිධානය කරන ලදී.
කාණ්ඩ 06 අතුරින් “හොඳම නැණසල කළමණාකරු“ සම්මානය සඳහා අයදුම්කරුවන් 60ක් අතුරින් ඉතාමත් විශිෂ්ඨ අන්දමින් මෙම සම්මානය හිමිකරගැනීමට සූරියවැව නැණසල කළමණාකාරිනී දීපිකා ප්‍රියදර්ශනී සමත් වූවාය. ඇය තම නැණසල මධ්‍යසථානය හරහා සූරියවැව ප්‍රාදේශයේ ජනතාවට තොරතුරු හා සන්නිවේදන තාක්ෂණ දැනුම මනා ලෙස ලබා දෙමින් ප්‍රජාවගේ ජීවන තත්වය නගා සිටුවීම සඳහා ඇය තම නැණසල මධ්‍යස්ථානය හරහා කරන ලද විශිෂ්ඨ සේවාව මෙහිදී කාගේත් පැසසුමට භාජනය විය.
ටෙලිසෙන්ටර් පදනමේ අධ්‍යක්ෂක, මිගුවෙල් රිමිලා මහත්මා විසින් “හොඳම ටෙලිසෙන්ටර් කළමාණාකරු“ සඳහා සම්මානය ඇයට පිරිනමන ලදී.
මෙවන් සම්මාන උළෙලක් සංවිධානය කිරීම පිළිබඳ ටෙලිසෙන්ටර්.ඕර්ග් පදනමට ස්තූති කල දීපිකා, තමන් ටෙලි මධ්‍යස්ථාන හිමිකාරිනියක බවට පත්කල ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයටද සිය අවංක හෘදයාංගම ස්තූතිය පිරිනැමුවාය. සම්මානය ලබා ගනිමින් ඇය තව දුරටත් පවසා සිටියේ මෙය තමන්ගේ සම්මානයක් පමණක් නොව, ශ්‍රී ලංකාවේ සිටින කැපවීමෙන් සිය සේවය ඉටු කරන සමස්ථ නැණසල සේවක ප්‍රජාවටම ලද සම්මානයක් බවයි.
No comments:
Post a Comment